【香港有機粟米使用】高纖粟米洋蔥湯 (奶素)

同歐羅有機農場農夫大家姐和Kelly 傾計，了解到打理一根有機粟米，要同蟲蟲鬥快，唔用藥就要每日都落田檢查，逐條夾返佢哋出來，如果一次過種一千幾百枝粟米，諗下每日要花幾多時間去照顧佢地。

這些得來不易嘅有機粟米，我們先用人手剝去粟米衣和粟米鬚，這些外衣和鬚不會浪費，我們會滾成濃濃嘅粟米水做湯頭，再炒香有機粟米粒加入粟米水中煲滾攪拌，加入洋蔥、甘筍提升味道層次，眼前一碗粟米湯，就要用上1-2根有機粟米去製作，天然的土黃色，因為農夫提醒我們，記得把滿載營養的粟米鬚也放在湯內一起攪拌。